سوق الزبائن
منتجات يعرضها زبائن موثّقون، والمبلغ محجوز عندنا 24 ساعة لضمان حقك.
كيف يخدم السوق؟
لو تبي تشرياضغط للتفاصيل
- 1كل البائعين في السوق قدّموا هويتهم، والإدارة وثّقتهم قبل ما يقدروا يبيعوا.
- 2قبل ما تشري، شوف تقييم البائع بالنجوم، وعدد بيعاته المكتملة، وتعليقات الشراية اللي قبلك.
- 3تدفع من محفظتك بس. المبلغ ينحجز عند ماي كارد، وما يوصلش للبائع طول.
- 4لو المنتج كود فوري، يطلعلك في «مشترياتي» بعد الشراء مباشرة. لو تسليم من البائع، لازم يسلّمك خلال 24 ساعة، وإلا فلوسك ترجعلك لحالها.
- 5عندك 24 ساعة ضمان تجرّب فيها المنتج. لو شغال اضغط «استلمت وشغال». لو فيه مشكلة اضغط «فيه مشكلة»، والمبلغ يقعد محجوز لين الإدارة تقرر.
- 6⚠️ لو حاولت تكذب وقلت المنتج مش شغال وهو شغال، ما تفكرش فلوسك ترجعلك. المبلغ يقعد محجوز، لا أنت تستفيد منه ولا البائع، لين الإدارة تراجع وتوصل لحل. البائع مقدّم هويته وبياناته كاملة، فحقه مضمون زي ما حقك مضمون.
- 7لو ما درت شي خلال الـ 24 ساعة، المعاملة تكمل لحالها والمبلغ يوصل للبائع.
- 8بعد ما تكمل الشرية، قيّم البائع من 1 لـ 5 نجوم باش تفيد اللي بعدك.
لو تبي تبيعاضغط للتفاصيل
- 1قدّم طلب توثيق مرة وحدة: اسمك الكامل، ورقم هاتفك، وصور جواز السفر وشهادة الميلاد وشهادة الإقامة. الوثائق تشوفها الإدارة بس.
- 2بعد التوثيق، اعرض منتجك: الاسم، والوصف، والسعر، ونوع التسليم (كود فوري ولا تسليم يدوي). كل منتج يتراجع من الإدارة قبل ما يظهر.
- 3لما تنشر منتج، ينحجز من رصيدك تأمين بقيمة 30% من سعره. التأمين يرجعلك كامل بعد ما تكمل المعاملة، ولا لو لغيت العرض.
- 4لما ينباع منتجك، المبلغ يقعد محجوز 24 ساعة ضمان للشاري، وبعدها يوصل لمحفظتك ناقص عمولة 5% بس.
- 5لو الشاري اشتكى، المبلغ يقعد محجوز لين الإدارة تراجع، لا أنت تاخذه ولا الشاري، فالأحسن للطرفين يكونوا صادقين.
- 6⚠️ لو حاولت تكذب ولا تغش، الغلطة حتجي على راسك: الشاري ياخذ فلوسه كاملة، والتأمين متاعك ما يرجعلكش، وحسابك يتوقف.
- 7تقييماتك تطلع لكل الشراية. البيع النظيف والتسليم السريع يجيبولك نجوم أكثر ومبيعات أكثر، وتاخذ شارة «تاجر موثوق ✔» بعد 20 بيعة مكتملة.
- 8تقدر تسحب أرباحك من صفحة البيع، والإدارة توافق على السحب يدوياً، وما فيش عمولة على السحب.

